Plantun de Prouvènço

Pèr coumpara dos planto d'encò nostre

Rhamnus alaternus & Campanula rotundifolia subsp. macrorhiza

Daladèr

Rhamnus alaternus

Rhamnaceae

Àutri noum : Aladèr, Fielagno, Daradèu, Taradèu, Aigo-espouncho.

Noms en français : Alaterne, Nerprun alaterne.

Descripcioun :
Aubret en bouissoun de 1 à 3 m d'auturo, pas toujour bèn couneigu e pamens que se vèi proun dins la garrigo e li relarg de l'éuse e dóu roure. Se destrìo de si cousin li Phillyrea e majamen lou media, à si fueio que lou bord laisso passa lou lume (fotò). De regarda peréu li costo. Fai, au mes de mars, de pichòti flour verdo.

Usanço :
Li fru rouge, pièi negre dóu daladèr soun empouisounant. Servié, à passa tèms, pèr faire uno tenchuro jauno. La rusco es astringènto e purgativo.

Port : Aubret
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Rhamnus
Famiho : Rhamnaceae

Coulour de la flour : Verdo
Petalo : 5
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Garrigo
Estànci : Termoumediterran à Mountagnard
Couroulougi : Pancaro entresigna
Ref. sc. : Rhamnus alaternus L., 1753

Campaneto(-di-fueio-redouno)

Campanula rotundifolia subsp. macrorhiza

Campanulaceae

Autre noum : Campanello(-di-fueio-redouno).

Nom en français : Campanule à grosses racines.

Descripcioun :
Aquesto campaneto èi coumuno en basso Prouvènço. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. macrorhiza, que trachis tipicamen dins li pertus de paret e roucas, a uno racino mai espesso que la subsp. rotundifolia.

Usanço :
Es uno planto manjadisso. La racino sèmblo apasima li doulour.